السلام عليكم
أحبتي في هذا المنتدى الأكثر من رائع أريد شراء لابتوب مناسب و انا محتار من بين الدل والتوشيبا والسوني انا عاجبني السوني مواصفاته حلوه بس خايف يخوني ولا يطول معي يعني خراباته تسير كثيره يعني بالعربي اخاف يكون سوني لابتوب مدلع يعني شكل من دون قوه لأني بصراحه عندي عقده من اللابتوبات قبل سنتين شريت توشيبا كوزماب8000 ريال فيه كل المواصفات حتى فيه مواصفات ما قد استخدمتها إلى هذا اليوم ولكن بعد 5 شهور من شرائي الجهاز صار يحتر وتعلق الشاشه طلع المشكله من الماذر بورد وديته الضمان ودوه امريكا وقعد ثلاث شهور وجابوه صلح والحين بعد اكثر من سنتين خرب ووديت المحل قال هذا الماذر بورد خربان ويبيلك تغيره ومدري تحصل اولا لا وسعرها فوق 900 ريال الحين ناوي ارمي الجهاز واشتريلي واحد خفيف وحلو

المواصفات إللي ابيها
1-اخر معالج نزل في السوق
2-اخر سرعه نزلت في السوق
3- فوق 2 رام وحبذا يكون 3رام
4-الهاردسك 200 قيقا تكفيني
5-الشاشه من 14 او 15 بس 14 احلى
6-يكون فيه مدخل الكونكتد حق الشريحه
7- مايمنع يكون معاه كميره... مو مهم
8-وندوز فيستا لو إني خايف منه لكن لازم حنى في عصر التطور
9- وهي أهم شيء عندي تكون البطاريه طويله فوق ثلاث ساعات وإذا فيه بطاريه مثل بطارية النوكيا شي حلو وطيب وشكرا
قبل ما انسى رقم 10 الماذربورد ما يحتر وتعلق الشاشه كفايه عقد نفسيه

وعليكم السلام ورحمة الله وبركاته

مسألة الاعطال في وجهه نظري اعتبرها في بعض الحالات حظ

اما بخصوص عن الاجهزه الافضل انا من خلال استخدامي العديد من الاجهزه والشركات اكثر شركة ارتحت منها واجهزتها تعتبر جباره هي سوني طبعا شوف الموضعين هذي وبعدها حدد الفئه المناسبه لك وحدد ميزانيتك

* * * سوني Fz اخر ابداعات سوني * * *

الفئة الجديد كليا من فايو Vaio CR

موفق بإذن الله ... لك مني أجمل تحية .

أخي SOL شكرا على الروابط وبنسبه للحظ اتفق معاك لكن للكوزما ليست حظ بل عطل لأن عند ما رحت مركز صيانه لقيت عندهم جهاز كوزما f15 نفس جهازي لما علمتهم المشكله قال كثير من النوع هذا نفس المشكله يعني إن المشكله مشتركه .

على فكره وشو أحسن نوع في السوني اقصد اي فئه وشكرا

عزيزي

اذا انت تتكلم عن اجهزه ممتازه وقويه ولك وللزمن .... هذي الخيارات.

من سوني بشاشه 14.1 مافي الا BX740

ولو مواصفاته 2.4 والرام 2 جيجا والهارددسك 160 وفيه wan وبصمه وشاشه علية الوضوح ووندوز فيستا

بيكون سعره: 7600 ريال تقريبا.وبطاريته الاضافيه سعرها 1490 ريال وتشغل الجهاز 6-7 ساعات

من دل Latitude D630

2.4 ,والرام 2 جيجا والهارددسك 160جيجا وايضا بصمه ومدخل شريحة وبصمه و شاشه عالية الوضوح ووندوز

التمت وبيكون سعره حول 7900 ريال وبطاريته الاضافيه سعرها 890 ريال تشغله 8 ساعات (مجربها )بحسب

الاعدادات.


من توشيبا تكرا M9

2.4 ,والرام 2 جيجا والهارردسك 160 وفيه بصمه ومافيه مدخل الجوال وشاشه عالية الوضوح وندوز التمت .

بيكون سعره حول ال7500 ريال .وبطاريته الاضافيه حقها 700 ريال وبامكانك تركيب بطاريتين على الجهاز

بنقش الوقت وتكون بطاريه اضافيه حقها حول 840 ريال .


طبعا هذه مقارنه لافضل الاجهزه المحموله بشاشه 14.1 وماراح تلقى افضل منها من اي شركه ثانيه.

ولو بتقارن بين هذه الاجهزه اقولك الدل والسوني بنفس المستوى وبعدهم التوشيبا .

وللمعلوميه كل هذه الاجهزه احترافيه وقمه من جميع النواحي واجهزه مصنعه لتستحمل وتعيش .

وكلهم بدون كاميرا .

تحياتي

7900 غالي جدا انا ابي بالكثير 4000 و إذا مره مره 5000 وش تنصحوني

انصحك بدل انسبايرون احتمال تلقى بالمواصفات والميزانيه المذكوره .

بالتوفيق